K-Beauty

Што е корејска убавина или К-убавина?

Kорејските козметички препарати се произведуваат врз основа на корејската филозофија за убавина. Еве што повлекува тоа:

Корејските производи и режими за убавина се дизајнирани да делуваат долгорочно.

Секако, постојат производи кои можат да тврдат дека ја чистат кожата преку ноќ или брзо го неутрализираат црвенилото. Меѓутоа, кога ќе се пристапи кон нега на кожата со ефект преку ноќ, се поразбира дека резултатите во најдобар случај не можат да траат, а во најлош случај, производите навистина можат да ја оштетат кожата – што е полошо отколку да немате никаков ефект!

Наместо тоа, кај корејската козметика, се става акцент на нежно негување на кожата за постигнување посакуваните резултати, кои се постојани и долготрајни со примена на персонализирана рутина за нега на кожата. Она што е исто така интересно е дека овој долгорочен, нежен пристап навистина и помага на кожата да го добие тој сјај осветлен од внатре, кој зрачи со здрав, хидриран, жив изглед со потпис на K-beauty.

Што значи ова во однос на производите? Постојат производи како есенции, серуми, ампули и огромен избор на маски, така што хидратацијата и храната може да се апсорбираат во еден нежен и тенок слој истовремено.

Корејската убавина е поврзана со прилагодување

Кожата на секого е уникатна, а вистинското разбирање на сопствената кожа е главен фокус на корејската филозофија за убавина. Проверете што користите и ако некогаш имате алергиска или негативна реакција на производот, видете кои состојки ги има во производите. Потоа земете производ што ви одговара добро и видете кои состојки се наоѓаат во тој производ. Со текот на времето, вниманието на состојките ви помага да ги идентификувате состојките што не и се допаѓаат на вашата кожа и оние состојки кои и одговараат.

Корејските состојки за убавина се иновативни и инспирирани од природата

Без разлика дали станува збор за серум кој вклучува состојки како слуз од полжав до ампули кои вклучуваат микроелементи направени од морски цврсти материи, корејските производи се иновативни, со уникатни состојки кои најчесто нема да ги најдете во другите препарати за нега на кожа.

Корејска рутина за нега на кожата во 10 чекори

Оваа рутина се состои од повеќеслојна нега на кожа со цел – резултати за долгорочно нежна кожа. Еве како обично се одвива оваа повеќеслојна рутина, и ако сакате подетално објаснување, погледнете го нашиот целосен рутински водич за нега на кожата во 10 чекори.

1. Двојно чистење, прв дел, средства за чистење на база на масла: Користете чистење на база на масло за да ги отстраните сите нечистотии на база на масло.
2. Двојно чистење, втор дел, чистење со средство на база на вода: Продолжете го чистењето со масло со нежно средство за чистење базирано на вода.
3. Пилинг: Ова е додаток и не мора да биде секој ден – зависно од тоа што и треба на вашата кожа.
4. Хидратантен тонер: Користете хидрантен тонер за да ја избалансирате pH вредноста и да стимулирате хидратација.
5. Essense – Суштина: Есенцијата (Суштината) е првенствено насочена кон засилување на хидратацијата.
6. Масла за лице, серуми, ампули: Ова се најперсонализираните чекори на вашата рутина, кои треба да се насочени кон специфичните проблеми што сакате да ги решите.
7. Маски: Ова може да бидат хидрантни или други маски, но не мора да се користат секој ден.
8. Крем за очи: Следно се нанесува крем за околу очи.
9. Хидратантна крема: Потоа нанесете на цело лице  хидратантен крем.
10. Наутро, секогаш завршувајте со заштитен фактор.

Овој повеќеслоен пристап кон нега на кожата е популарен во Кореја уште од 60-тите години на минатиот век. Денес малку се менува, бидејќи брендовите за убавина се уште еден чекор напред со производи за повеќе намени, кои се исто толку ефикасни како два одделни чекори, како комбинирање на серум и хидратантна крема во едно.